بقلم / ضياء جحا
أي حاجة تقولها أمك
لازم تقول حاضر وطيب
من زمان وشايله همك
وانت في القلب وقريب (بالضمه)
كانت دايما سده جوعك
ولما تتمزق ضلوعك
تقعد طول الليل تطيب
عاوز ايه من الدنيا تاني
ده انت لو هتعيش ثواني
لازم تعيش في حضنها
وإن ضاقت يابني الدنيا بيك
اوعى تبعد عنها
عارف يعني ايه معنى الاماني
انك تفضل جامبها
ماهي الجنه تحت اقدامها
ولو هتعيش خدامها
مش هتوفي حقها
الله يرحمك يا أمي
كانت دايما شايله همي
وان جيت في يوم حزين
انتي بس اللي بتضمي
عارفه لو جيت يوم وحبيت
مش هحب أد امي
رحمة الله عليكي
انا كنت دايما بين ايديكي
ولما جيتي وبعدتي عني
كنت دايما مستنيكي
تجيني يوم وتطبطبي
وبين ايديكي هو سكني ومطلبي
الله المستعان
إرسال تعليق