قصيدة بقلم//أحمد خليل الضيفي
بني سويف
أمي جتلي في حلم فجاة
بس الحلم مكنش عادي
ندهت عليا ووقفت قصادي
وكلمتني وحشني يابني
بتدعيلي ولا نسيني
وقفت ساكت مش مصدق الكلام
أنا نايم ولا صاحي ولا غرقان في المنام
مش مهم المهم إني أمي جات
قوم يا أخويا أمي جات
قومي يا أختي أمي جات
وحشاني ياما من زمان
نفسي أشوفك من زمان
كان نفسي أملي عيني منك
بس كان فات الأوان
رجعت ياما أدور عليك
في الأوض وعند الجيران
ملقتش إلا صورة ليكي
مبروزنها علي الحيطان
رجعت ياما بس كان فات الأوان
رجعت ياما بس كان فات الأوان
أنتي كنتي الام ليا
وإنتي كنتي الأب ليا
مين هينساكي يا أمي
دا أنتي أغلي من عنيا
مين هينساكي يا أمي
دا أنتي أغلي من عنيا
فكرة ياما لما كنت أعمل
مشاكل كنتي تزعقيلي وتزعلي
وترجعي تحضنيني وتبوسيني
عارفة ياما كل مقعد وافتكر
أحزن في نفسي علي كل لحظة
زعلتي مني بس يا أمي أعذرني
طفل في بداية سنيني
بس مش ناسي الوصية
اللي كنتي سيبها ليا
عامل ضميرك وحب دينك
وحب أخوك وحب أختك
هما سندك في الدنيا ديا
أنت أصغر إبن ليا بس محتاج الوصية
متخفيش ياما عليا ومتزعليش
أنا فعلان أصغر مفيهم بس هكبر بكرة بيهم
ربنا ما يحرمني منهم ويرعيهم
ربنا ما يحرمني منهم ويرعيهم
عارفه ياما يوم زفافي
كل وأحد جابلي حاجة من حسابه
ولا مرة ياما حد منهم سك بابة
ال راح جابلي الدبيحه وال حطلي ريحه
وال جاب أحسن مغني مهم يا أمي حتة مني
عارفة ياما أهم حاجة كان
نفسي فيها أنك أنتي تكوني
جنبي وتفرحيلي
أنك أنتي تكوني جنبي وتفرحيلي
من زمان نفسي أكتبلك وأعبر بالكلام
من زمان نفسي احفر ذكرياتي علي الحيطان
كل الشعراء قالوا فيكي أحلي الكلام
بس أبنك اعزرية دا أنا يادوب
بأعرف أذوق الكلام أو أعبر
عن يتيم في لليل ظلام
مهما أكتب ليكي يا امي
مش هيوفي حبي ليكي
مش هيوفي شوقي ليكي
ألف رحمة ونور عليكي
ألف رحمة ونور عليكي
إرسال تعليق