حوار هام مع الدكتورة هالة الجيار استشاري العلاج الطبيعي والسمنة والنحافة

 

بقلم/ عمر محمد عبد اللطيف نور الدين

لكل أم بتقول ابني مش متأخر في الكلام  ابني بيفهم كل الكلام لكن مش بيعرف يتكلم كويس

 أحب أقول لحضرتك ان دي من علامات التاخر اللغوي لان التأخر مش بس إن الطفل يكون مش بيتكلم نهائي إنما ممكن يكون كلام الطفل مش مناسب لعمرة الزمني..

 طيب هل فيه علامات  تانيه للتأخر اللغوي عند الأطفال ؟ 

اه زى:

1- إن يكون الطفل مش بيركز معايا لما بكلمه ولا بينتبهلي لما بندهله كام مرة  .

2- انه يكون مش بيعبرعن احتياجاته 

3- إن الطفل في عمر ما بعد الثلاث سنوات ولسه مش عارف يحكيلك عن اللي حصل في يومه في الحضانه أو المدرسة .

4- إن يكون كلام الطفل فيه لدغات كتيره و حذف وإبدال في النطق.

5- إن كلام الطفل يكون فيه ترديد 

6- قلة كلامه رغم عمره مفروض يتكلم كويس و يتفاعل كويس .

7- إنه يكون بيكون جمل قصيرة بس مش عارف يكون حوار أو يروي قصة عن أحداث داخل أو خارج المنزل.

 طيب ايه العلاج او اعمل ايه عشان الحق الطفل :

1- مراجعة طبيب سمعيات أو أنف وأذن أو نفسي أو مخ وأعصاب حسب ما يحتاجه الطفل أن كان السبب طبي.  

2- يبدأ ياخد جلسات للتخاطب فورا وبمجرد ما نعرف المشكله لان التدخل المبكر هايفيده جدا وعشان نقيم لغة الطفل و مساعدته في اكتساب اللغة بشكل سليم.