مصمم البرمجيات حسين شعبان الملقب .... فيكتور -الهرم المصرى نيوز

   

بقلم ....شيماء عزت 

نتكلم شوية عن ولاد الأصول اللي مبقناش بنقابلهم في حياتنا كتير اد ما بنقابل ولاد ال....  مش اصول .. 

بتعرف ابن الأصول ازاي ؟؟

أنا أقولك .. أبن الأصول:

* عمره ما ينكر فضل حد بعد فضل ربنا عليه أو ينساه ..

* بيفضل باقي على العشرة والايام واللحظات الحلوه لحد آخر لحظة وبيعمل كل اللي عليه وزيادة ..

* مبيردش الأذي بالأذي ..حتي لو يقدر و عنده اللي ياذي ويدمر بيه 

* وقت الشدة لو احتجته لازم هتلاقيه ويمكن من غير ما تطلب كمان هتلاقيه قدامك رغم ندالتك و اصلك الواطي و اللي شافه منك عشان هو مش زيك واللي طبعه ابن اصل احسن من اللي طبعه ندل   ..

* بيساعد الكل من غير اي مصلحه تعود عليه وبحرقه كأنه الحاجة دي بتاعته وليه هو  ..

* ابن الأصول كرامته عنده رقم 1 ومستحيل هيقبل اي إهانة حتي لو هيجوع و يشحت عمره ما يقبل .. ونفسه عزيزة عليه فوق ما خيالك ممكن يوديك .. 

* أبن الأصول بيعرف يعتذر .. لو غلطان مش بيستكبر .. يقول انا آسف وغلطت فعلاً وغلطه مبيكرروش ..

* أبن الأصول كلمته واحدة 👆 لما يقولك هعمل صدقه عشان كلمته عهد وعقد وبميه من عينتك..

* أبن الأصول ضميره من جواه ييتحكم فيه وقبل ضميره ربنا طبعا ومبيسلمش ودانه لحد ..

* أبن الأصول صاحب صاحبه جدا .. مستحيل يبيع صاحبه علشان مصلحته .. 

* أبن الأصول حد جدع بالفطرة.. الطيبة ملازماه حتي ولو عارف انها هبل ..  

* أبن الأصول ملوش في اللت والعجن وكتر الكلام وشغل النسوان والتلقيح و الصورم و المهاتيه ..

* أبن الأصول بيعرف يعاتب مرة واتنين وثلاثة علشان مش من طبعه انه يفرط في حد بسهولة .. بس لما بيفرط ربنا ما يوريك عمرك ما هتعرف ترجعه تاني ولا هيشوفك حتي وانت قاعد قدامه هتبقي بالنسبة له هوااا شفاف  .. 

* أبن الأصول ملوش في الحوارات بيقولك في وشك اللي هو عايزه .. وأيه اللي ينفع وأيه اللي مينفعش .. اللف والدوران والكدب مش سكته ..

* أبن الأصول عزيز وله بدل العزيز عزيز واتنين .. مش زي غيره مالوش غالي .. 

* أبن الأصول لو اتظلم عمره ما يظلم .. بيسيب ربنا يجيبله حقه وحسبي الله ونعم الوكيل ف كل اللي ظلمه وبيشوف بعينه حقه و هو جايله من اللي ظلمه بايد ربنا ..

* أبن الأصول يصفي بسرعه لو لقاك شاري .. وينسي بسرعة لو لقاك بايع ..

* أبن الأصول يحب الخير لغيره حتي لو مش هيطول من الخير دة حاجة .. ويفرحلك من قلبه بجد ..

* أبن الأصول عينه شبعانه عمره ما يبص في رزق غيره ولا يبص في حياة غيره ..

* أبن الأصول بيقدر ويحترم أبسط واقل حاجة حلوة بتعملها معاه .. 

* أبن الأصول مبيعرفش يخون ولا يجرح ولا يستغل فرص ولا يستغل حد .. 

* أبن الأصول صاحب الكل ..

* أبن الأصول ميعديش عليه واجب .. ويديلك حقك من غير ما تطلبه ..

* أبن الأصول يديلك اللي محتاجة عادي جدا .. ويطلع من جيبه لحد اخر قرش معاه .. مبيفكرش في نفسه وبس .. طبعه وأصله الكرم ..

* أبن الأصول مهما كان ناجح أو عنده كتير .. أخلاقه غلباه .. ميعرفش يتغر علي خلق الله .. 

* أبن الأصول بيسيبك لوحدك تعرف الفرق بينه وبين غيره كويس اوي وهو حاطط رجل علي رجل وواثق من نفسه جدا عشان عارف انه ما يتقارنش بحد .

* أبن الأصول جواه رحمة وعدل .. ودايما بيحط نفسه مكان غيره ..

* أبن الأصول مش المشهور أو اللي بيلبس برندات .. ولا اللي معاه فلوس .. ولا اللي راكب عربيات وساكن في أحلي الأماكن .. ولا اللي كان عيلته حتي فيها بشوات .. ولا اللي بياكل بالشوكة والسكينة وبيتكلم لغات ..

* أبن الأصول مش منصب ولا جاه .. 

*أبن الأصول.....

 اللي بيعمل   الأصول