مصمم البرمجيات حسين شعبان الملقب .... فيكتور -الهرم المصرى نيوز

 

كتبه 

نجاة بشير 

اخصائية نفسية و ب.ماجستير فى التربية الخاصة

مدرب معتمد من جامعة عين شمس 

للوهلة الاولى لما تقرا جملة (انا ومن بعدى الطوفان) هتحس انها بتوحى بالانانية و الدونية و حب الذات ..

لكن الجملة دى تحمل فى خباياها المعنى الحقيقى الحرفى للوصول للصحة النفسية .. الصحة النفسية اللى من غيرها مش هنوصل للسلام النفسى..

و الطوفان بالنسبة لنا هو اى شخص فى حياتنا محبط ، بيقلل مننا ، بيقلل من نجاحنا ، بيسعى انه يفقدنا ثقتنا فى نفسنا ، يتفنن انه يمتص طاقتنا ، بيسرق لحظات فرحنا ويحولها لحزن ..

دورت على تشبيه و مسمى للناس دى كتير مالقيتش غير (الطوفان) لانهم فعلا قادرين يجرفونا فى طريقهم و يقتلونا بالبطئ ، قادرين يدمروا حياتنا و يحولونا للاشئ ، قادرين يدخلونا فى حالة اكتئاب مميت ..

مين فينا ماسهرش طول الليل موجوع بسبب كلمة اتقالت له من شخص من دول ..

مين فينا ما اتحولش لشخصية اجتنابية بسبب الناس دى .

الناس دى حلها الوحيد هو الهروب ، بالظبط كأنك بتهرب من طوفان اجرى قبل مايقتلك ، اجرى فى طريقك من غير ما تبص وراك ، ماتفكرش فيهم ، ماتفكرش غير فى نفسك ..

اجرى و اسعى و حارب  و كمل طريقك لوحدك ..

عذرا فرويد🤚عذرا ماسلو🤚عذرا ادلر

فكل النظريات لم تذكر الانا كما نراها نحن ..

الانا ليست انانية ، الانا هى سلامى النفسى ، الانا هى تحقيقى لذاتى ، الانا هى ان امتلك التحكم فى قراراتى .

*نصائح للوصول للسلام النفسى 

ابتعد عن النقاش و الجدل 

لا تجامل ولا تجادل 

لا تعيش بقالب مجتمعى لا يشبهك 

ارضاء الناس غاية لا تدرك

لا تجهر بعيوبك لاى شخص مهما كان

عيش قيمك اللى مقتنع بيها 

اعرف حدودك مع غيرك 

و عرف غيرك حدوده معاك 

اسعى للتغيير دون توقف 

تصالح مع نفسك و اقبلها بكل تفاصيلها 

تقرب من الله عز وجل 

طهر حياتك من العلاقات السامة 

اغفر وسامح لانك المستفيد الوحيد من ده

خلى عندك توازن فى علاقاتك 

ابعد عن جلد الذات و تأنيب الضمير

بلاش عصبية على اسباب تافهه

جدد شغفك و متعتك بالحياه 

كن مؤثرا و ليس مغيرا 

لا تحكم على الاخرين 

تجمل بالمرونة النفسية 

لا تكن متنازلا و لا مسيطرا فقط كن مرنا 

لا تكن باحثا عن المثالية 

تكيف مع الواقع و حوله لواقع ايجابى يخدم اهدافك 

و اخيرا ..

لا تعش حياة السباق ، فقط ركز على اهدافك و حققها مهما طال الوقت ..