الكاتبه /لمياء حماده
انا مبعرفش اكون صديقة .. يعني مبعرفش اكون بست فريند اللي هو ٢٤ ساعة معاكي و بنتكلم و بنخرج و mentions و الجو ده.
انا اغلب الوقت اصلا بعيدة عن اقرب الناس ليا
بس بعرف اكون موجودة وقت الفرحة و وقت الزعل .. يعني بعرف اسمع كويس و افهم لما حد يكون عايز يحكي .. و بعرف اشارك الفرحة ... بس مبعرفش اعمل حاجة وقت الزعل غير اني اسمع و احاول احل ... بس مش بعرف اطبطب..
ووقت الزعل لو الشخص مجاش حكى ... انا مش هسأل .. مش عشان انا مش مهتمة .. بس علشان انا مش بعرف اقتحم الpersonal space بتاعت الناس ...
طب افرض هو مش عايز يحكي انا اتدخل ليه بسؤالي؟
نفس الكلام لما ببقي زعلانة مابعرفش اجي اتكلم مع حد واقعد احكي .. طب افرض هو مش حابب يسمع ... مش فاضي ..
الكام كلمة دول ... كان محور خسارتي لناس كتير في حياتي مؤخراً حتى اللي كانوا مسميني bestfriend ...
بس انا مبعرفش اهتم غير بالشكل ده مع اصحابي مهما كانو مين.
و اعتراف تاني
انا كنت ف الاول بحب اعاتب اصحابي القريبين لان مبحبش كنت اشوف تصرف مش ف محله منهم بس حاليا بقيت مش بحب اعاتب... و بكره المشاكل ...
العتاب بنسبالي بقي خسارة ... و بقدر جدا جدا الظروف و بحط ٧٠ عذر ...
هو اه مش بلاقي المثل ... بس قشطة.
انا مش اسفة اني مكنتش عند حسن ظن حد لو كان تقديره ليا على كتر كلامي مش على مواقفي
علشان انا شخصيتي دي و مش هتتغير "حاولت اتغير بس معرفتش و مبقتش عايزة اعرف"
و اخيراً ... انا بحب الناس اللي مهما لفت الدنيا...و مبنشوفش بعض غير فين و فين بيفضلوا زي مهما و انا زي ما انا عندهم تقريبا دول اللي برتاح معاهم جدا...
انا بحبهم اوي!
👏🏻👏🏻👍🏻👍🏻👍🏻👍🏻👏🏻👏🏻👏🏻
ردحذف🌹🌹🌹🌹🌹
حذف