🌙إفطار وإحتفالية رمضانية لدار الرحمن للأيتام بمركز ناصر برعاية إتحاد شباب العرب للابداع والإبتكار -لجان بني سويف ومؤسسة اللواء طبيب محمد رضا عوض 🌙 الاربعاء الموافق ٣ أبريل٢٠٢٤_الهرم المصرى نيوز

 

رايحه بينا على فين يا مصر

البحيرة : محمود الصعيدى 

أمس من أمام وزارة القوى العاملة إهمال وفشل في التنظيم وتواطؤ متعمد من المسؤلين منظر غير آدمى لا يقبل ذو قلب رحيم ان يتعامل به حتى الحيوانات فى وقت حرارته تتجاوز ال 40 درجه ينتظر الشباب المسافرين للعمل بالخارج لإستلام اوراقهم من الساعه 5صباحا إلى 9 مساءا وللأسف بعد ذلك فوق ال 1000 فرد من محافظات مختلفة لم يتم تسليم أوراقهم ورجعو بيوتهم تانى للذهاب تانى يوم للوقوف بنفس الصف وللأسف ان فيهم شباب تأشيرتهم هتنتهى 

فى خلال 3 أيام

الصراحة المنظر مقزز وأغضبنى وسألت نفسى 100 سؤال 

أولهم فين حق الشباب اللى ملقوش عيشه كريمه فى بلدهم ومسافرين للعمل بالخارج مقابل ملاليم 

وفين أعضاء مجلس النواب من هذا المشهد ليه ميتعملش طلب إحاطة لوزير القوى العاملة من اللى بيحصل عنده فى الوزارة وأظن انه كل يوم موجود في الوزارة ولايخفى عليه المنظر

فى ظل التطورات اللى وفرها رئيس الجمهورية لراحة الشعب المصري ومحاربة الفاسدين اللى وصلت ان يتم ترخيص السيارة عن طريق سيارة الفحص اللى بتوصلك  أمام منزلك ويتم تجديد وترخيص السيارة فى وقت قصير ومبلغ بسيط للخدمة المقدمه للمواطن 

تم التواصل مع المدير المسؤل عن تسليم الشباب المنتظرين اوراقهم 

وإقترحت عليه كذا إقتراح وأتمنى أن يعمل بواحد منهم 

1/ وده الأفضل التعاقد مع شركة لتوصيل أوراق الشباب دى لمنازلهم مقابل مبلغ للخدمة المقدمة ليهم .

2/يتم إدراج كشوفات على حائط الوزارة من الليل بالأسماء الموجودة للإستلام اللى موجود ورقه ينتظر واللى غير موجود يبقى عارف مصيره من أول اليوم .

3/بدلا من النداء على الأسماء بميكرفون صغير شبه ميكرفون  الباعه المتجولين يتم ترقيم الأوراق والنداء بالارقام .

4/ ابسط الحلول ان يتم النداء بالحروف الأبجدية هتحل أزمه كبيرة .