كتبت رانيا عصمت
الست عواطف دى كانت ست طيبه كده ومعندهاش خبرة فى اى حاجه خالص ست بتتعامل بعواطفها بس فى الدنيا زى ما بيقولوا كده اسم على مسمى
عايشه كده اى حد يقولها حاجه تصدقه قلبها هو اللى ممشيها تحس كده ان قلبها فى رجليها
اتأذت كتير واتوجعت كتير وعيطت كتير من الناس وسبحان الله بعد كل وجعها منهم لما يجوا يقوللها كلمه ويمثلوا عليها تنسي كل اذيتهم وتعاملهم بعواطفها وترجع تانى تحن وقلبها يدق ليهم
بس هى كده بتديهم امان وهما اصلا ميستهلوش اى امان لان بطبعهم غدارين وخاينين ودايما فى التمثيل محترفين
وتلف بيها الدنيا وبرضه الست عواطف مبتتعلمش ان مش كل الناس طيبين ولا صادقين
اصلك يا ست عواطف مش كل الناس زيك متربين ولا حتى مأصليين
فوقى بقى من وهم انك علشان طيبه لازم هيكونوا كل الناس طيبين
لا يا حبيبتى احنا فى زمن بقى فيه كل الناس كدابين ومحدش بيحبك غير اللى وقت شدتك كانوا معاكى فيه واقفين
اصل الحبيب واضح والحقود واضح بس انت عايشه مش عاوزة تصدقى انك مفيش زيك اه والله مفيش زيك
عصر السذاجه انتهى والله اه انتهى وخلى بالك ان القلوب سودا وعمر السواد ما فجأه ينضف ولا حتى يتلون
اصل السواد واضح غامق سواد الليل
اصحى ياست عواطف من نومه الغافلين
اصحى وفوقى اوام انت فى دنيا الكدابين .
إرسال تعليق